Gjöld hækka verulega hjá Hitaveitu Egilsstaða og Fella
Fréttir • This email address is being protected from spambots. You need JavaScript enabled to view it. • Fyrst birt 22. des 2021 14:31 • Uppfært 22. des 2021 14:34
Frá og með áramótum mun það kosta notendur átta prósent meira en nú er að brúka heita vatnið frá Hitaveitu Egilsstaða og Fella (HEF.)
Þetta ákvað stjórn HEF nýverið á fundi sínum en ástæðan er fyrst og fremst mikil hækkun byggingavísitölu á árinu. Þá vill stjórnin líka meina að núverandi gjaldskrá hafi dregist aftur úr almennri verðlagsþróun.
Þá hækkar gjaldskrá HEF einnig vegna vatnsveitu um 6,8 prósent og sömuleiðis hækkar gjaldskrá fráveitu í 0,35 prósent af fasteignamati fasteigna og lóða. Hærri gjöld vegna þess síðastnefnda tilkomin vegna kostnaðarsamra framkvæmda við fráveituhreinsun á næstu misserum.
