Gripnir með rúmt kíló af kókaíni á gistiheimili á Egilsstöðum
Fréttir • This email address is being protected from spambots. You need JavaScript enabled to view it. • Fyrst birt 16. des 2021 11:33 • Uppfært 16. des 2021 11:34
Tveir erlendir karlmenn hafa verið ákærðir fyrir að hafa smyglað hingað til lands rúmi kílógrammi af kókaíni. Mennirnir komu með Norrænu en voru gripnir á gistiheimili á Egilsstöðum.
Þetta kemur fram í ákæru embættis héraðssaksóknara. Alls höfðu þeir meðferðis rúmlega 1,1 kg af kókaíni, sem þeir eru taldir hafa ætlað að selja hérlendis.
Efnið höfðu þeir með sér frá Rotterdam, í gegnum Þýskaland og þaðan til Danmerkur þar sem þeir fóru um borð í Norrænu. Þeir komu með ferjunni hingað til lands um miðjan október.
Í fórum Hollendingsins fundust 677 grunn. Annars vegar í káetu hans í ferjunni, hins vegar farangri hans á gistiheimilinu. Hollendingurinn var með rúm 400 grömm sem hann bar innvortis og í safafernu sem tekin var á gistiheimilinu.
Karlmennirnir eru báðir á sjötugsaldri, annar hollenskur en hinn spænskur. Þeir eru í gæsluvarðhaldi í fangelsinu á Hólmsheiði.
