Leita nafns á óstofnað félag í Fjarðabyggð
Megin íþróttafélögin í Fjarðabyggð hafa ákveðið að sameina enn frekar krafta sína á sviði knattspyrnu og leita nú aðstoðar íbúa sveitarfélagsins við að finna nafn á óstofnað félag.Þetta kemur fram á vefsíðu Fjarðabyggðar. Þar segir að nafnið skal endurspegla metnað, sameiningarafl og heiðarleika. Það skal vera þjált í munni, auðvelt til hvatningar og standast íslenskar málvenjur.
Hægt er að senda inn tillögur á hlekk á vefsíðunni.
Vinningstillagan fær vegleg verðlaun:
1. Inneignarkort hjá Veiðiflugunni
2. Árskort í sund og rækt hjá Fjarðabyggð.
3. Inneignarkort frá Sparisjóði Austurlands.
4. Þriggja rétta kvöldverð fyrir tvo á veitingastaðnum Hótel Bláfelli.
5. Gistingu fyrir tvo á Hótel Breiðdalsvík
6. Gjafabréf frá Austurnudd.
Tekið verður við tillögum til og með 30. janúar 2022.
Mynd: fjardabyggd.is
