Miklar annir hjá björgunarsveitum á Austfjörðum
Fréttir • This email address is being protected from spambots. You need JavaScript enabled to view it. • Fyrst birt 03. jan 2022 12:40 • Uppfært 03. jan 2022 12:48
Björgunarsveitir á Seyðisfirði, Eskifirði og Fáskrúðsfirði hafa verið að í nótt og morgun. Flest verkefnin hafa snúist
um að koma heilbrigðisstarfsfólki og öðrum til og frá vinnu. Einnig hefur verið eitthvað um fokverkefni og fasta bíla vegna ófærðar.
Davíð Már Bjarnason upplýsingafulltrúi Landsbjargar segir að nú undir hádegi bárust svo tilkynningar á Seyðisfirði um fok á lausamunum og einn bát sem var að losna í höfninni.
„Strákarnir á Seyðisfirði voru að klára að koma böndum á bátinn og festa hann við bryggju,“ segir Davíð Már.
Mynd: Landsbjörg
