Rjúpnaveiðimenn flestir með sitt á hreinu
Fréttir • This email address is being protected from spambots. You need JavaScript enabled to view it. • Fyrst birt 24. nóv 2021 09:16 • Uppfært 24. nóv 2021 09:24
Lögregla á Austurlandi hefur ekki orðið vör við annað en að rjúpnaveiðimenn hafi allt sitt á hreinu það sem af er rjúpnaveiðitímanum.
Þetta staðfestir Kristján Ólafur Guðnason, yfirlögregluþjónn við Austurfrétt en aðeins er tæp vika eftir af rjúpnaveiðitímabilinu þetta árið.
Kristján segir að í mánuðinum hafi lögregla haft mjög virkt eftirlit með veiðimönnum og alls farið í rúmlega 30 eftirlitsferðir til að kanna skotvopnaleyfi, veiðikort og skráningar á vopnum.
Rætt hafi verið við ríflega fjörutíu einstaklinga alls og þeir allir að einum undanskildum verið með sitt á hreinu. Sá aðili var bæði með útrunnið skotvopnaleyfi og veiðikort.
