Tæplega 70 metra hviða í Hamarsfirði
Bálhvasst hefur verið í Hamarsfirði síðan í gærkvöldi. Stuttu fyrir miðnætti mældist þar vindhviða upp á 68,5 metra á mæli Vegagerðarinnar.Þar féll vindurinn nokkuð niður í nótt en náði sér aftur á strik upp með morgninum. Þar hafa verið hviður á milli 30-40 m/s og takmarkað ferðaveður. Von er á að vindinn fari að lægja verulega um hádegi.
Þrátt fyrir að víða hafi orðið hvasst á Austfjörðum, einkum syðst, í nótt þá var nóttin róleg hjá björgunarsveitum.
