Takmarkað opið í sýnatökur yfir áramótin austanlands
Fólk verður annaðhvort að hafa hraðann á ellegar hinkra í nokkra daga standi hugur til að fara í Covid-sýnatöku hér á Austurlandi.
Sýnatökur standa yfir á Reyðarfirði milli 9 og 10.30 og milli 12 og 13.30 á Egilsstöðum í dag 30. desember en nái fólk ekki á þá staði í tíma verður að bíða fram til sunnudagsins 2. janúar. Þann dag er opið í sýnatökur milli 9 og 10 á Reyðarfirði og milli 11 og 12 á Egilsstöðum.
Hefðbundinn opnunartími verður svo á nýjan leik á mánudaginn kemur frá 9 til 10.30 á Reyðarfirði og 12 til 13.30 á Egilsstöðum.
UPPFÆRT: Ákveðið hefur verið að bæta við opnunartíma í sýnatökur á Reyðarfirði á morgun 31. desember. Þá verður opið í hálfa klukkustund frá 07 til 07.30. Sömuleiðis verður sýnataka á Vopnafirði í 20 mínútur milli kl. 08.10 og 08.30. Bóka þarf tíma á vefnum heilsuvera.is.
Mynd: Heilsugæslan
