Ljósmyndasamkeppni Austurbrúar: Áttu mynd af Austurlandi?

Öllum er heimilt að senda inn ljósmyndir en greiddar verða kr. 5000 fyrir hverja mynd sem valin verður og samið við hvern og einn um notkun hennar. Alls er um að ræða níu flokka en hver þátttakandi má senda að hámarki tvær ljósmyndir í hverjum flokki. Ekki er nauðsynlegt að senda inn myndir í alla flokka.

Flokkarnir eru: Þéttbýli á Austurlandi: „Bærinn minn", söfn, setur, kirkjur og sögufrægir staðir, áhugaverðir staðir í náttúrunni, áhugaverð flóra á Austurlandi, dýralíf á Austurlandi, menningarlíf á Austurlandi, fólkið á Austurlandi, árstíðir Austurlands og Austurland í öðru ljósi.

Myndum ber að skila rafrænt í lítilli upplausn á This email address is being protected from spambots. You need JavaScript enabled to view it. (hámark 800x600 px) og er miðað við að ljósmyndarar eigi höfundarréttinn á innsendum myndum. Hver mynd þarf að vera merkt höfundi með smáu letri í neðra horni hægra megin. Við innsendingu mynda, ber að tilgreina fullt nafn ljósmyndara, netfang og kennitölu. Þá þarf að koma þarf fram undir hvaða flokk myndin fellur, hvar hún sé tekin, hvenær og hvað hún sýni. Þær myndir sem valdar verða þurfa að vera til í prentupplausn.