Jólin alls staðar í austfirskum kirkjum
Lífið • This email address is being protected from spambots. You need JavaScript enabled to view it. • Fyrst birt 10. des 2013 11:00 • Uppfært 10. des 2013 13:52
Tónleikaröðin Jólin alls staðar kemur austur á firði um helgina þegar tónleikar verða haldnir í þremur austfirskum kirkjum.
Fyrir hópnum fara söngvararnir Gréta Salóme, Friðrik Ómar, Heiða Ólafs og Jógvan Hansen en þau hafa undanfarna viku verið á ferð á milli kirkna á landsbyggðinni ásamt tónlistarfólki.
Efnisskráin er hátíðleg en í senn skemmtileg og því tilvalin fyrir alla fjölskylduna. Auk þeirra koma fram barnakórar frá hverjum stað fyrir sig.
Tónleikar verða í Egilsstaðakirkju klukkan 21:00 á föstudag, 16:00 á laugardag í Norðfjarðarkirkju og Eskifjarðarkirkju sama dag klukkan 21:00.
Miðasala fer fram á midi.is en einnig verður hægt að kaupa miða við innganginn, svo framarlega sem ekki sé uppselt. Miðaverðið er 3990 krónur.
