Árshátíð Brúarásskóla frestað
Lífið • This email address is being protected from spambots. You need JavaScript enabled to view it. • Fyrst birt 20. mar 2014 13:58 • Uppfært 20. mar 2014 14:14
Árshátíð Brúarásskóla, sem halda átti annað kvöld, hefur verið frestað til sunnudags. Á hátíðinni stendur til að sýna frumsaminn söngleik.
Söngleikurinn ber heitið Forsetaheimsóknin og er eftir Ingunni Snædal en Jón Arngrímsson sér um tónlistarstjórn. Sagan segir frá eigendum hótels sem eiga von á forsetanum í heimsókn en á meðan strýkur fangi úr haldi. Þeim er ruglað saman sem og flestum öðrum í sögunni svo af hlýst einn stór misskilningur
Árshátíðin er óvenju vegleg í ár í tilefni 35 ára afmælis skólans. Húsið opnar með tombólu og getraunum klukkan 17:00 á sunnudag en árshátíðin sjálf hefst klukkan 18:00.
