Fuglaáhugamenn hittast á Djúpavogi
Lífið • This email address is being protected from spambots. You need JavaScript enabled to view it. • Fyrst birt 09. maí 2014 11:26 • Uppfært 09. maí 2014 11:28
Landsmót fuglaáhugamanna verður sett á Djúpavogi í kvöld og stendur til sunnudags. Boðið verður upp á fyrirlestra og skoðunarferðir yfir helgina.
Dagskráin hefst klukkan 20:00 í kvöld með erindi Hornfirðinganna Bjarna G. Arnarssonar og Brynjólfs Brynjúlfssonar um greiningu á máfum.
Á morgun verður skoðunarferð en um kvöldið heldur Jóhann Óli Hilmarsson, ljósmyndari og fuglafræðingur, erindi um náttúru og dýralíf á Svalbarða auk þess að vera með myndasýningu um fuglalíf í Djúpavogshreppi. Erindi hans verður klukkan 21:00 á Hótel Framtíð.
Á sunnudag er stefnt að skoðunarferð um Teigarhorn, Hálsaskóg og fleiri staði áður en gestir halda heim á leið.
