Afmæli Dalborgar fagnað í blíðskaparveðri – Myndir
Lífið • This email address is being protected from spambots. You need JavaScript enabled to view it. • Fyrst birt 05. jún 2014 16:16 • Uppfært 05. jún 2014 16:18
Nemendur leikskólans Dalborgar, starfsmenn og gestir fögnuðu í dag fimmtán ára afmæli leikskólans í blíðskapar veðri.
Nemendur leikskólans buðu til veislu og sýndu í leiðinni afrakstur vinnu sinnar í vetur. Í hádeginu voru svo grillaðar pylsur og ávaxtasafi með.
„Það var ánægjulegt að sjá hvað margir komu og fögnuðu með okkur þessum fallega degi. Við þökkum öllum kærlega fyrir komuna," segir Sóley Valdimarsdóttir, leikskólastjóri.
Myndir: Sóley Valdimarsdóttir
