Fortitude: Erum búin að skapa samfélag sem við viljum heimsækja árlega
Framleiðandi Fortitude þáttaraðarinnar segir Reyðarfjörð hafa endurspeglað fullkomlega vonir tökuliðsins um umhverfi og samfélag þáttanna. Hann segir fjölda sagna ósagðan og vonast til að geta komið aftur.„Þetta tiltekna íslenska þorp endurspeglaði fullkomlega það sem við leituðum eftir. Við leituðum lengi, lengi," segir yfirframleiðandinn, Patrick Spence í viðtali við vefinn World Screen.
Reyðarfjörður var aðaltökustaður þáttanna en valin atriði voru tekin upp víðar á Austurlandi.
Hann segir að sagan hafi krafist þess að myndað væri í sjávarþorpi á norðurslóðum. Skoðaðir hafi verið tökustaðir á Noregi og í Kanada áður en röðin kom að Íslandi. Hér þóttu mannvirki og náttúra líkari norðurskautinu. Innitökur eru síðan í stóru myndveri í nágrenni Heathrow flugvallar.
Afar einangraður staður
Helsta vandamál Reyðarfjarðar hafi verið hversu langt staðurinn hafi verið frá alfaraleið. Fljúga þurfti bæði enska og íslenska starfsfólkinu á staðinn. Þá hafi verið erfitt að finna gistingu fyrri alla auk þess sem snjóleysi hafi sett strik í reikninginn.
„Staðurinn var afar, afar einangraður. Það er erfitt að lifa lengi á stað sem er svona fjærri öllu en það myndaðist sérstök fjölskyldutilfinning í tökuliðinu sem var mjög indælt."
Eiga fleiri sögur af norðurslóðum
Sýningar þáttanna hefjast á nýju ári og er um að ræða 12 vikulega þætti. Þótt morðmál tengi þáttanna eru handritshöfundarnir með marga bolta á lofti og flétta fleiri sögum saman. Patrick segir handrit þáttanna hafa verið í stöðugri þróun enda hafi lítil breyting í einum þætti áhrif á tvö eða þrjú atriði þremur þáttum síðar. Eftirvinnsla þáttanna stendur nú yfir og þar er enn unnið að breytingum.
Framhald þáttanna byggir á viðtökum áhorfenda. Patrick ítrekar þó það sem hann hefur áður sagt um að tökuliðið vilji gjarnan vinna áfram með Fortitude.
„Við eigum hverja sögun á fætur annarri sem gerist á norðurslóðum. „Umhverfið og heimurinn þarna í norðri, það sem er að gerast í umhverfinu og þau ógrynni leyndarmála sem falin eru undir ísnum – þetta er of gott að vera satt. Við sköpuðum því samfélag sem við viljum heimsækja árlega.
Glæpasagan í fyrstu þáttaröðinni mun leysast en heimurinn sem hún gerist í er jarðvegur fyrir sérstakar sögur sem aðeins Fortitude getur sagt. Þess vegna erum við svo stolt."
Alþjóðleg skírskotun
Þrátt fyrir að sagan gerist á svæði sem fáir búast væntir Patrick þess að hún njóti vinsælda á heimsvísu. „Norðurskautið er svæði sem enginn á, hvorki tilfinningalega né landfræðilega.
Þeir sem eru þannig innstilltir kjósa að lifa þarna. Þeir setjast að í þorpum í einskis manns landi og því verður tilfinningin fyrir samfélaginu sérstaklega mikilvæg."
Samfélagið í Fortitude sé hins vegar heimsborgaralegt og óttann kannast allir við. „Það er skapaður heimur sem allir vilja vera hluti af og er í senn hlýlegur, líflegur og heimsborgaralegur. Á sama tíma spinnst upp ótti sem vonandi snertir óttataugar þeirra sem búa annars staðar í heiminum."
„Staðurinn var afar, afar einangraður. Það er erfitt að lifa lengi á stað sem er svona fjærri öllu en það myndaðist sérstök fjölskyldutilfinning í tökuliðinu sem var mjög indælt."
Eiga fleiri sögur af norðurslóðum
Sýningar þáttanna hefjast á nýju ári og er um að ræða 12 vikulega þætti. Þótt morðmál tengi þáttanna eru handritshöfundarnir með marga bolta á lofti og flétta fleiri sögum saman. Patrick segir handrit þáttanna hafa verið í stöðugri þróun enda hafi lítil breyting í einum þætti áhrif á tvö eða þrjú atriði þremur þáttum síðar. Eftirvinnsla þáttanna stendur nú yfir og þar er enn unnið að breytingum.
Framhald þáttanna byggir á viðtökum áhorfenda. Patrick ítrekar þó það sem hann hefur áður sagt um að tökuliðið vilji gjarnan vinna áfram með Fortitude.
„Við eigum hverja sögun á fætur annarri sem gerist á norðurslóðum. „Umhverfið og heimurinn þarna í norðri, það sem er að gerast í umhverfinu og þau ógrynni leyndarmála sem falin eru undir ísnum – þetta er of gott að vera satt. Við sköpuðum því samfélag sem við viljum heimsækja árlega.
Glæpasagan í fyrstu þáttaröðinni mun leysast en heimurinn sem hún gerist í er jarðvegur fyrir sérstakar sögur sem aðeins Fortitude getur sagt. Þess vegna erum við svo stolt."
Alþjóðleg skírskotun
Þrátt fyrir að sagan gerist á svæði sem fáir búast væntir Patrick þess að hún njóti vinsælda á heimsvísu. „Norðurskautið er svæði sem enginn á, hvorki tilfinningalega né landfræðilega.
Þeir sem eru þannig innstilltir kjósa að lifa þarna. Þeir setjast að í þorpum í einskis manns landi og því verður tilfinningin fyrir samfélaginu sérstaklega mikilvæg."
Samfélagið í Fortitude sé hins vegar heimsborgaralegt og óttann kannast allir við. „Það er skapaður heimur sem allir vilja vera hluti af og er í senn hlýlegur, líflegur og heimsborgaralegur. Á sama tíma spinnst upp ótti sem vonandi snertir óttataugar þeirra sem búa annars staðar í heiminum."
