Vegareiði á morgun: Lofa brjáluðum rokktónleikum
Lífið • This email address is being protected from spambots. You need JavaScript enabled to view it. • Fyrst birt 31. okt 2014 11:22 • Uppfært 31. okt 2014 11:26
Tónlistarhátíðin Vegareiði verður haldin í tíunda sinn í Sláturhúsinu á Egilsstöðum. Í gegnum árin hafa tugir hljómsveita stigið á stokk og að þessu sinni spila sex hljómsveitir.
„Áhorfendur mega eiga von á frábærum og kraftmiklum böndum og brjáluðum rokktónleikum," segir Kormákur Máni Hafsteinsson, einn aðstandenda hátíðarinnar.
Á Vegareiði hefur verið boðið upp á rokk í þyngri kantinum en hljómsveitin Dimma er aðalnúmerið á hátíðinni í ár.
Auk hennar eru Rusikuss, 2nd White Sunday og Brönd frá Egilsstöðum, Kjerúlfur úr Fljótsdal og Oni úr Neskaupstað.
Frítt er á tónleikana og opnar húsið klukkan 19:30. Skemmtunin er vímuefnalaus og útivistarreglur gilda.
