Egilsstaðabúar hita upp fyrir þorrablótið – Myndband
Lífið • This email address is being protected from spambots. You need JavaScript enabled to view it. • Fyrst birt 19. jan 2015 11:06 • Uppfært 19. jan 2015 12:11
Bóndadagur er á föstudag og þar með hefst þorrablótsvertíðin. Fjölmörg blót verða austanlands fyrstu helgina og hefur þorrablótsnefnd Egilsstaðabúa sent frá sér upphitunarmyndband fyrir helgina.
Eins og venjan er blóta Egilsstaðabúar þorra strax á bóndadag en meðal annarra Austfirðinga sem blóta þorra um helgina eru Vopnfirðingar og Borgfirðingar á laugardag.
Að venju er mikil vinna lögð í skemmtiatriðin og hefur þorrablótsnefndin á Egilsstöðum sent frá sér stutt kynningarmyndband um blótið sem notið hefur talsverðrar athygli á samfélagsmiðlum.
Járnkonan Svanhvít Antonsdóttir, sannleiksnefndin og Lagarfljótsormurinn og dansandi oddvitar listanna í bæjarstjórn Fljótsdalshéraðs eru meðal þeirra sem bregða fyrir í myndbandinu.
