Austfirðingur meðal kaupenda Keiluhallarinnar
Lífið • This email address is being protected from spambots. You need JavaScript enabled to view it. • Fyrst birt 02. mar 2015 09:14 • Uppfært 02. mar 2015 10:24
Athafnamaðurinn Sigmar Vilhjálmsson frá Egilsstöðum er einn af nýjum eigendum Keiluhallarinnar í Egilshöll. Hann segir markmiðið að auka upplifun fjölskyldunnar af því að fara í keilu.
Sigmar kaupir reksturinn ásamt félaga sínum Jóhannesi Ásbjörnssyni úr Hamborgarafabrikkunni og og Jóhannesi Stefánssyni í Múlakaffi.
„Við erum að taka við virkilega fallegri Keiluhöll og Egilshöllin er fyrir löngu búin að sanna sig sem ein stærsta íþrótta- og afþreyingarmiðstöð Íslands," segir Sigmar í tilkynningu.
„Okkar markmið er að auka veg og vanda keiluíþróttarinnar ásamt því að auka þjónustu við einstaklinga, hópa og fjölskyldur í leit að afþreyingu og góðum mat," segir Sigmar sem lofar nýjum veitingastað í tengslum við reksturinn í haust.
