Stormurinn sigraði þriðja Austurlandsmótið í Kínaskák
Lífið • This email address is being protected from spambots. You need JavaScript enabled to view it. • Fyrst birt 17. apr 2015 09:37 • Uppfært 17. apr 2015 09:38
Stormurinn frá Fáskrúðsfirði fór með sigur af hólmi í þriðja Austurlandsmóti í Kínaskák sem haldið var á Reyðarfirði á miðvikudagskvöldið.
Helga Hinriksdóttir, konan á bak við Kínaskákina austanlands, segir spilið einfalt og skemmtilegt – ekki ósvipað Rommý, en þó spilað með þremur stokkum og þremur jógerum.
Helga hefur spilað Kínaskák í sex ár, en hún kom á laggirnar klúbbnum, Mitt fólk fyrir austan, þegar hún flutti á Reyðarfjörð og hefur síðan þá breitt út boðskapinn.
„Nú eru starfandi fimm klúbbar í fjórðungnum, tveir á Fáskrúðsfirði og einn á Héraði og á Reyðarfirði," segir Helga, en hennar klúbbur hittist og spilar hálfsmánaðarlega.
Athygli vekja frumlegar nafngiftir klúbbanna, en Ásynjur frá Héraði hlutu bæði einstaklingsverðlaun og skussaverðlaun og Afgangarnir frá Fáskrúðsfirði hafa tækifæri til þess að sanna sig á heimavelli að ári. Dauðasveitn frá Reyðarfirði komst ekki til keppni að þessu sinni.
