Afmælisfjör alla helgina á Seyðisfirði
Lífið • This email address is being protected from spambots. You need JavaScript enabled to view it. • Fyrst birt 24. jún 2015 09:26 • Uppfært 24. jún 2015 13:44
Í ár eru 120 ár frá því að Seyðisfjörður hlaut kaupstaðarréttindi og verður þeim tímamótum fagnað með veglegri afmælisdagskrá á staðnum sem stendur frá fimmtudegi fram á sunnudag.
Dagskráin er sérlega glæsileg og ættu allir að hafa nóg að gera alla helgina.
Fimmtudagur
Hátíðin verður sett á fimmtudaginn klukkan 20:00 við gamla skóla. Þar verða flutt ávörp, tónlistaratriði og önnur skemmtiatriði og boðið upp grill.
Föstudagur
Á föstudaginn verða opnaðar listasýningar, Tækniminjasafnið verður opið og hægt verður að fá leiðsögn um bæinn.
Pétur Jóhann verður með uppistand í Herðubreið um kvöldið og Andrea Gylfa og Edda Lár leika fyrir gesti á Norð Austur Sushi bar.
Laugardagur
Geirahús verður opið á laugardaginn, götumarkaður verður í Norðurgötu og harmonikutrall við Ölduna. Björgunarsveitin Ísólfur sýnir tækin í tilefni af 50 ára afmæli sveitarinnar
Málverkasýning eftir Eddu Heiðrúnar Bachmann verður í gamla sjúkrahúsinu, sem og sýning á keramik verkum Kristbjargar. Guðmundsdóttur. Andrea Gylfa & Eddi Lár leika fyrir gesti
Hátíðarkvöldverður verður í íþróttamiðstöðinni þar sem KK & Ellen leika undir borðhaldi og Helgi Björns & félagar leika fyrir dansi. Sérstakur gestur verður Prins Póló.
Sunnudagur
Á sunnudaginn verður botninn í afmælishátíðinni sleginn með samsöng upp í Tvísöng. Sérstök áhersla verður lögð á barnalög og almenna gleði.
Dagskrána í heild sinni má sjá hér.
