Minningarstund í Egilsstaðakirkju á fimmtudagskvöldið
Lífið • This email address is being protected from spambots. You need JavaScript enabled to view it. • Fyrst birt 08. sep 2015 13:46 • Uppfært 08. sep 2015 22:23
10. september er tileinkaður forvörnum vegna sjálfsvíga víða um heim. Hér á landi er dagurinn einnig helgaður minningu þeirra sem fallið hafa fyrir eigin hendi.
Minningarstund verður því haldin í Egilsstaðakirkju fimmtudagskvöldið 10. september klukkan 20:00.
Sr. Sigríður Rún Tryggvadóttir leiðir stundina og flytur hugvekju. Sigrún Þórarinsdóttir, félagsmálastjóri Fjarðabyggðar, segir frá eigin reynslu af ástvinamissi.
Kveikt á kertum til minningar um þau sem fallið hafa fyrir eigin hendi, flutt verður tónlist og boðið upp á kaffisopa í lokin.
