Ísólfur fær styrk til að kaupa nýjan snjóbíl
Lífið • This email address is being protected from spambots. You need JavaScript enabled to view it. • Fyrst birt 08. júl 2013 23:56 • Uppfært 08. júl 2013 23:57
Björgunarsveitin Ísólfur á Seyðisfirði fékk nýverið styrk upp á hálfa milljón króna úr Samfélagssjóði Landsbankans til kaupa á nýjum snjóbíl. Að þessu sinni var úthlutað fimmtán milljónum til 34 verkefna.
Félagar í Ísólfi fengu fjölmörg útköll á snjóþungum vetri en Fjarðarheiðin reyndist gjarnan ferðatálmi í vetur. Verkefni þeirra er hið eina austfirska á listanum yfir styrkþega.
Veittir voru þrír styrkir upp á eina milljón hver, sautján upp á hálfa milljón og fjórtán að fjárhæð 250.000 krónur. Yfir 450 umsóknir bárust sjóðnum að þessu sinni.
Samfélagsstyrkjum er einkum ætlað að styðja við þá sem sinna mannúðar- og líknarmálum, menntamálum, rannsóknum og vísindum, verkefnum á sviðum menningar og lista, forvarnar- og æskulýðsstarfi og sértækri útgáfustarfsemi.
