Seyðisfjörður í Útsvari í fyrsta sinn: Grunnskólakennarar fylla salinn
Lífið • This email address is being protected from spambots. You need JavaScript enabled to view it. • Fyrst birt 25. okt 2013 13:49 • Uppfært 25. okt 2013 13:50
Seyðisfjörður tekur í fyrsta sinn þátt í spurningakeppninni Útsvari í Sjónvarpinu í kvöld þegar liðið mætir Akranesi. Liðið hefur ekki náð að hittast til að æfa en mikil stemming er fyrir keppninni í bænum.
„Þetta leggst vel í okkur. Við erum spennt og ætlum að reyna að hafa gaman,“ segir Gauti Skúlason en hann myndar liðið ásamt Jóhönnu Gísladóttur og Kára Gunnlaugssyni.
Gauti stundar nám á Bifröst í Borgarfirði en Jóhanna og Kári eru búsett eystra. Liðið hefur því ekkert náð að hittast til að æfa. „Við ætlum að reyna að hittast og æfa aðeins í dag áður en við förum upp í Efstaleiti.“
Gauti segir mikla stemmingu fyrir keppninni á Seyðisfirði og á von á mörgum Seyðfirðingum í sjónvarpssal í kvöld. „Kennarar frá grunnskólanum eru í kynnisferð í Reykjavík og ætla að mæta. Það verður því örugglega mikið af Seyðfirðingum í salnum.“
