Þrír klassískir Austfirðingar með tvenna tónleika um helgina
Lífið • This email address is being protected from spambots. You need JavaScript enabled to view it. • Fyrst birt 04. nóv 2013 11:17 • Uppfært 05. nóv 2013 17:50
Austfirsku tónlistarmennirnir Svanur Vilbergsson, Erla Dóra Vogler og Hildur Þórðardóttir halda tvenna tónleika um næstu helgi. Þau hafa öll farið erlendis í nám í klassískri tónlist.
Þau munu flytja blandaða tónlist fyrir gítar, söng og þverflautu. Á dagskránni eru rússnesk og frönsk þjóðlög, rúmenskir dansar og suður-amerískir tónar. Þá munu þau frumflytja tónverkið Græna hattinn eftir austfirska tónskáldið Báru Sigurjónsdóttur.
Fyrri tónleikarnir verða í Safnahúsinu í Neskaupstað á laugardag klukkan 17:00 en þeir seinni í Sláturhúsinu á Egilsstöðum á sunnudag klukkan 17:00.
Miðaverð er 1.500 kr. og frítt inn fyrir börn og nemendur í tónlistarskólum á Austurlandi.
