Aðalsteinn í sauðburði
Lífið • This email address is being protected from spambots. You need JavaScript enabled to view it. • Fyrst birt 12. maí 2010 22:57 • Uppfært 08. jan 2016 19:21
Nú stendur sauðburður sem hæst í sveitum, mikið að gera, fjölmennt á sumum bæjum og sauðburður um það bil hálfnaður víðast hvar. Fátítt mun samt vera að fjórir menn vinni við sauðburð á sama bænum sem allir heita sama nafninu.
Á Vaðbrekku í Hrafnkelsdal eru sauðburðarmenn margir og fyrir kemur að þar eru við störf fjórir Aðalsteinar á sama tíma. Þessi Aðalsteinaskari er að vísu skyldur, allir eru þeir afkomendur Aðalsteins Jónssonar sem bjó á Vaðbrekku 1922 til 1972 ásamt konu sinni Ingibjörgu Jónsdóttir.
Sitjandi á garðabandi taldir frá vinstri Aðalsteinn Sigurðarson (Aðalsteinn), Aðalsteinn Aðalsteinsson (Steini), Aðalsteinn Aðalsteinsson (Danni), og Aðalsteinn Jónsson (Alli).
