Alcoa Fjarðaál styður Geðhjálp með jólalagi: Myndband
Alcoa Fjarðaál er meðal fimmtán fyrirtækja sem tekið hafa áskorun
Geðhjálpar um að syngja jólalag og framleiða myndband því til stuðnings.
Álbandið sér um lag Alcoa sem er í rokkaðri kantinum.
Átakið ber heitið „Geðveik jól“
en hægt er að kjósa á milli laganna. Lagið með felst atkvæði hlýtur
titilinn „Geðveikasta jólalagið.“ Kosningin hófst í dag og stendur til
20. desember. Hvert atkvæði kostar 1.000 kr. og rennur ágóðinn til
Geðhjálpar.
Framlag Alcoa sker sig nokkuð úr öðrum lögum því það er öllu rokkaðra.
Var upphaflega flutt af hljómsveitinni Kansas og heitir „Wayward son“ en
Jóhanna Seljans, sem syngur lagið, samdi textann. Aðrir í Álbandinu eru
Helgi Georgsson, Reynir Höskuldsson, Jón Björn Ríkharðsson, Sigurður
Ólafsson og Guðmundur Höskuldsson
Nokkuð gekk á við upptöku lagsins. Upphaflega stóð til að taka það upp í
Tónsmiðjunni á Egilsstöðum. tölvan þar hrundi og því var leitað á náðir
BRJÁN í Neskaupstað.
Í myndbandinu segir frá Sveini Lúðvíkssyni sem vaknar upp við vondan
draum á aðventunni þegar hjól nútímans bíta grimmilega á dalinn hans.
