Alþjóðlegi Downs dagurinn haldinn hátíðlegur í Seyðisfjarðarskóla
Lífið • This email address is being protected from spambots. You need JavaScript enabled to view it. • Fyrst birt 22. mar 2012 17:38 • Uppfært 08. jan 2016 19:22
Haldið var upp á alþjóðlega Downs-heilkennisdaginn í Seyðisfjarðarskóla í gær. Ástæðan fyrir þessari dagsetningu er sú að fólk með Downs-heilkenni hefur þrjá litninga á 21. litningapari.
Nemendur 7. og 8. bekkjar unnu upplýsingabækling sem liggur frammi á nokkrum stöðum í bænum og kynntu Downs-heilkenni fyrir öðrum nemendum skólans og fólki á förnum vegi.
Yfirskrift alþjóðlega Downs-heilkennisdagsins í ár var „I want to learn“ eða „Ég vil læra“. Búið er að birta myndband af þessu tilefni sem sýnir nemendur með Downs-heilkenni frá 68 löndum við nám og horfðu allir nemendur skólans á það.
Myndbandið má sjá á http://www.ds-int.org/let-us-in-i-want-to-learn.
