Austfirðingur ársins 2016

Höfundur: Gunnar Gunnarsson • Skrifað: 09. janúar 2017.

Nú er hafin kosning um Austfirðing ársins. Að þessu sinni eru sjö valkostir í boði. Kjörinu lýkur á föstudag

Arna Björg Bjarnadóttir og Steingrímur Karlsson, Fljótsdal: Fyrir uppbyggingu Óbyggðasetursins að Egilsstöðum í Fljótsdal sem hefur hlotið viðurkenningar innan fjórðungs sem utan.
Björk Aðalsteinsdóttir og Þorsteinn Kristjánsson, Eskifirði: Fyrir að efla atvinnulífið á Eskifirði með að byggja stærsta og tæknilegasta uppsjávarfrystihús á Norðurlöndum.
Eiður Ragnarsson, Djúpavogi: Fyrir að fá veðurfræðinginn á RÚV til að færa sig og hætta að standa fyrir Austurlandi. Fréttin vakti athygli út fyrir landssteinana.
Inga Hrefna Sveinbjarnardóttir, Seyðisfirði: 85 alþýðuhetja sem hefur lifað tímana tvenna og auðgað mannlífið á Seyðisfirði.
Ívar Ingimarsson, Egilsstöðum: Fyrir baráttu fyrir ódýrari flugsamgöngin á Íslandi þannig að íbúar landsbyggðarinnar fái notið sömu réttinda og þjónustu og íbúar höfuðborgarsvæðisins.
Jón Hilmar Kárason, Neskaupstað: Fyrir athafnasemi og frumkvæði við að efla tónlistarlíf Austurlands og fleiri landshluta.
Þórunn Ólafsdóttir, Fáskrúðsfirði: Fyrir störf í þágu flóttafólks og fyrir að vekja máls á kynferðislegri áreitni í garð fiskvinnslufólks.

Poll is expired!