Austfirðingar lögðu Húnvetninga í lomberslag
Lífið • This email address is being protected from spambots. You need JavaScript enabled to view it. • Fyrst birt 18. mar 2011 11:17 • Uppfært 08. jan 2016 19:22
Húnvetningar og Austfirðingar mættust í sínum árlega lomberslag í
Sveinbjarnargerði í Eyjafirði um seinustu helgi. Jafnt var í liðum, 22
að austan og vestan. Spilað var á ellefu borðum frá morgni til kvölds og
alls gefið í 1716 spil.
Þegar upp var staðið urðu úrslit þau að Austfirðingar voru með 434 mínusstig á móti 1254 mínusstigum Húnvetninga. Austfirðingar höfðu því sigur í þetta sinn sem var fimmta skiptið sem lomberspilarar úr þessum tveimur landshlutum reyna með sér.
Mikil leikgleði ríkti í Sveinbjarnargerði þennan dag og var bundist fastmælum að mætast þar aftur að ári til að spila þetta 600 ára gamla spil sem var á öldum áður vinsælt fjárhættuspil um alla Evrópu.
Mikil leikgleði ríkti í Sveinbjarnargerði þennan dag og var bundist fastmælum að mætast þar aftur að ári til að spila þetta 600 ára gamla spil sem var á öldum áður vinsælt fjárhættuspil um alla Evrópu.
