Byssusýning í Sláturhúsinu hitti í mark
Lífið • This email address is being protected from spambots. You need JavaScript enabled to view it. • Fyrst birt 13. feb 2011 12:22 • Uppfært 08. jan 2016 19:22
Alls um 300 manns mættu á byssusýningu Skotfélags Austurlands í Sláturhúsinu á Egilsstöðum.
Á sýningunni gaf á að líta um 150 skotvopn af öllum gerðum, vopnin komu víða að af Austurlandi. Sýningin var fjölbreytt, þar voru til sýnis vopn á öllum aldri fjölbreytt úrval af gömlum vopnum sem að mestu er hætt að nota í dag en ótal sögur eru tengdar.
Þarna var líka mikið af vopnum með ýmis sérkenni, svona safngripir. Síðan var mikið af nýlegum vopnum sem verið er að nota til veiða og markskyttirís í dag. Haglabyssur til fuglaveiða og urmull af rifflum sem notaðir eru til hreindýraveiða. Síðan sáust þarna markrifflar eins og þeir gerast bestir á landsvísu.
