,,Þú þekkir hann á bjöllunni"
Lífið • This email address is being protected from spambots. You need JavaScript enabled to view it. • Fyrst birt 07. jún 2010 10:56 • Uppfært 08. jan 2016 19:21
Sumarboðarnir koma hver eftir annann og nú er Ísbíllinn kominn líka. Eins og undanfarin sumur mun hann færa ísþyrstum íbúum Austurlands kalt í gogginn á sólbjörtum og heitum sumardögum.
Ísbíllinn er nú í sinni annarri ferð um Austurland og verður á faraldsfæti um fjórðunginn á fjórtán daga fresti. Alls eru Ísbílarnir fimm sem fara um landið, þessi dekkar svæðið frá Vík í Mýrdal til og með Austurlandi. Kerfið er þannig að Ísbíllinn er á ferðinni sjö daga, síðan er sjö daga frí, svo reikna má með að hann verði á ferðinni á fjórtán daga fresti um allt Austurland í sumar eins og hann hefur gert undanfarin sumur, hann mun fara um þéttbýlisstaðina og út um allar sveitir og víst er að þú ,,þekkir hann á bjöllunni" eins og bílstjóri hans segir.
