Eldar Hvítaskáldsins: Í hjartanu, ástinni og þjóðfélaginu
Fjöllistamaðurinn Ásgeir Hvíldaskáld sendi nýverið frá sér hljómplötuna Eldar brenna. Hann lýsir tónlistinni sem vísnapoppi en þar eru textarnir í fyrirrúmi.
„Platan heitir Eldar Brenna og fjallar um ástina sem brennur, þjóðfélagsgagnrýni sem brennur og söknuðinn sem brennur í hjartanu.“
Á plötunni er að finna 15 frumsamin lög. Fimm þeirra eru sungin af gestasöngvurunum en Ásgeir syngur sjálfur hin tíu. Platan er öll tekin upp á Egilsstöðum og við sögu kemur margt hæfileikafólk af Austurlandi en alls komu 36 tónlistarmenn að útgáfunni.
Ásgeir er lærður vísnasöngvari lýsir plötunni sem vísnapoppi þar sem höfuðáherslan er á textana. Hann flutti austur á Hérað frá Danmörku árið 2007 og fjalla textarnir að hluta til um þau umskipti.
„Mig langaði til að túlka upplifun mín að flytja hingað frá Kaupmannahöfn í tónlist. Síðasta lagið heitir Fjallalandið, og er þá átt við Austurland.“
