Áfengissala dregst saman á Austurlandi
Samkvæmt tölum frá ÁTVR hefur áfengissala í Vínbúðum fyrirtækisins á Austurlandi, frá Djúpavogi til Vopnafjarðar, dregist saman um 225 þúsund lítra eða um 28% milli áranna 2007 og 2009.
Að sögn Brynjars Júlíussonar verslunarstjóra í Vínbúðinni á Egilsstöðum og svæðisstjóra vínbúða á Austurlandi, nam salan árið 2007, 847 þúsund lítrum en fór niður í 622 þúsund lítra árið 2009 og nemur minkunin 28% milli þessara ára.
,,Árið 2008 seldust 682 þúsund lítrar í vínbúðum eystra og nemur samdráttur í sölunni milli áranna 2007 og 2008 19% og samdrátturinn milli áranna 2008 og 2009, 9%. Hafa ber í huga að á árinu 2007 var enn mikil starfsemi vegna virkjana og stóryðjuframkvæmda, en sú starfsemi var sáralítil árið 2008, það sást marktækur munur þegar framkvæmdunum lauk. Á framkvæmdaárnum á undan þeim sem hér eru tilgreind var salan meiri en hér kemur fram" segir Brynjar.
