Fimmta ljóðabók Lubba Klettaskálds komin út

Fellbæingurinn Lubbi Klettaskáld hefur sent frá sér ljóðabókina Skapalón, þá fimmtu á ferlinum. Hann valdi þá leið að gefa bókina út sjálfur. Hún er komin út á pappír og von er á rafbókaútgáfu.

Ljóðin eru samin eftir bankahrunið 2008 og eru því í dekkri kantinum þótt aldrei sé langt í kómíkina. Lubbi hefur einnig gaman af því að leika sér að orðum og er enginn skortur á slíku í Skapalóni. 

Áður hafa komið út ljóðabækurnar Kvæða hver? Skrafl, Svart á hvítu og Kvæðahver.

Sem sagt

sem ég 

sit hér

og drekki

mínum 

sorgum

oní

hyldjúpt

vínglasið

sorglegur

bitur

einmana

kuldalegur

vitur

máttvana

sem ég 

sit hér

sem ég