Flugakademía Keilis á Egilsstöðum á morgun: Kynnisflug í boði
Lífið • This email address is being protected from spambots. You need JavaScript enabled to view it. • Fyrst birt 22. maí 2012 22:41 • Uppfært 08. jan 2016 19:23
Flugakademía Keilis verður á Egilsstöðum á morgun, miðvikudag, til að kynna flugnám og annað námsframboð við skólann. Keilismenn munu taka tal á heimafólki, hitta gamla nemendur, bjóða áhugasömum að skoða eina af kennsluflugvélum Keilis og fara í kynnisflug yfir bæinn.
Heimsóknin verður tekin upp á myndband, en stefnt er að gera heimsóknina sem skemmtilegasta. Flugakademía Keilis býður upp á nám í flugtengdum greinum eins og einkaflugnám, atvinnuflugnám til blindflugsréttinda, flugþjónustunám og nám í flugumferðastjórn.
Keilismenn stefna á að vera á flugvellinum milli klukkan 11 og 15. Skráning í kynnisflugið er á www.facebook.com/keilir.
