Frítt á söfn í Fjarðabyggð fyrir íbúa sveitarfélagsins
Frítt verður í öll söfn á vegum Fjarðabyggðar fyrir íbúa sveitarfélagsins frá tímabilinu 1. júní til 31. ágúst.
Gunnar Jónsson, bæjarritari Fjarðabyggðar, segir ákvörðun um ókeypis aðgang fyrir íbúa í söfn sveitarfélagsins hafa verð tekna í tengslum við fjárhagsáætlunargerð 2016 og miði í aðalatriðum að því að hvetja íbúa til að njóta þess fjölbreytta safnakosts sem sveitarfélagið hefur byggt upp.
„Með aukinni þekkingu á söfnunum, getum við enn fremur byggt upp almennari vitund um þá skemmtilegu og fræðandi afþreyingu sem í þeim felst fyrir bæði Fjarðabúa og gestkomandi til Fjarðabyggðar, segir Gunnar.
Það eina sem íbúar þurfa að gera er að framvísa á söfnunum íbúakorti (Fjarðakort) með nafni á söfnunum. Þeir sem ekki eiga Fjarðakort er bent á að senda beiðni um gerð korts á This email address is being protected from spambots. You need JavaScript enabled to view it. með upplýsingum um nafn, kennitölu og lögheimili.
Þau söfn sem um ræðir eru:
Íslenska Stríðsárasafnið
Sjóminjasafn Austurlands
Frakkar á Íslandsmiðum
Náttúrugripasafnið í Neskaupstað
Málverkasafn Tryggva Ólafssonar
Sjóminja- og smiðjumunasafn Jósafats Hinrikssonar
