„Fyndin, skemmtileg, vandræðaleg og kannski svolítið klúr á köflum“
Lífið • This email address is being protected from spambots. You need JavaScript enabled to view it. • Fyrst birt 26. maí 2016 11:34 • Uppfært 26. maí 2016 11:36
Leikfélag Norðfjarðar stendur fyrir Stuttverkasýningunni Gleym mér ei, í Egilsbúð á Norðfirði í kvöld.
„Þetta er í fyrsta skipti sem Leikfélags Norðfjarðar setur upp stuttverkasýning fyrir fullorðna, en hugmyndin var búin að blunda í okkur í allan vetur,“ segir Þórfríður Soffía Þórarinsdóttir, formaður leikfélagsins.
Sýndir verða fjórir einþáttungar og spunaverk inn á milli. „Við ákváðum að setja spunaverk inn á milli, en þar sýnum við áhorfendum hvernig við vinnum.
Þetta eru gamanverk sem spanna allan, erum fyndin, skemmtileg, vandræðaleg og kannski svolítið klúr á köflum, þó engin nekt sem ætti að særa blygðunarkennd áhorfenda. Sýningin er því bönnuð innan átján ára, líka af því að barinn verður opinn, en að sjálfsögð megna unglingar koma í fylgd með fullorðnum.“
Sýningin hefst klukkan 21:00, frítt er inn og nánar má fylgjast með viðburðinum hér.
