Hammondhátíð hófst í gærkvöldi
Hammond-hátíð á Djúpavogi hófst í gærkvöldi með tónleikum ASA-tríósins
og Tónleikafélags Djúpavogs. Fjölbreyttir viðburðir eru í boði utan
tónleika um helgina.
Tónleikar kvöldsins verða með „Landsliðinu“ en það skipa Páll Rósinkrans, Halldór Bragason, Guðmundur Pétursson, Jóhann Hjörleifsson, Tómas Jónsson og Róbert Þórhallsson. Tónleikarnir hefjast á Hótel Framtíð klukkan 20:30.
Á morgun mæta gleðigjafarnir í Baggalúti á svið á Hótel Framtíð klukkan 20:30. Á morgun gefst hljóðfæraleikurum færi á að kynnast Hammond orgelinu frá klukkan 15:00 á hótelinu.
Hátíðinni lýkur með tónleikum í Djúpavogskirkju klukkan 14:00 á sunnudag. Þar koma fram Ellen Kristjánsdóttir og Eyþór Gunnarsson og József Béla Kiss, sem syngur einsöng, Andrea Kissné Refvalvi, sem leikur á fiðlu og Guðlaug Hestnes á píanó.
Milli viðburða er ýmislegt í gangi í bænum svo sem handverkssýningar, opnun á söfnum og tilboð í verslunum, gönguverður og KUBB-mót.
Nánari upplýsingar eru á www.djupivogur.is.
Vildarvinir
Austurfrétt birtir fréttir að austan alla virka daga, öllum aðgengilegar og reiðir sig á auglýsingatekjur og styrki frá lesendum sínum til að halda úti þjónustunni.
Hvers virði finnst þér að hafa aðgang að fréttaþjónustu á borð við þessa?
Smelltu hér ef þú vilt styrkja Austurfrétt.
