Jón Hilmar: Í fyrsta sinn sem ég spila á jólatré
Lífið • This email address is being protected from spambots. You need JavaScript enabled to view it. • Fyrst birt 28. sep 2012 23:01 • Uppfært 08. jan 2016 19:23
Stórgítarleikarinn Jón Hilmar Kárason lætur vel að austfirskum gítar sem til sýnis hefur verið í Sláturhúsinu á Egilsstöðum í þessari viku í tengslum við hönnunarráðstefnuna Make it Happen. Jón Hilmar lék á hljóðfærið þegar ráðstefnan var sett á miðvikudagskvöld.
Kassagítarinn er smíðaður af Hlyni Halldórssyni á Miðhúsum á Fljótsdalshéraði. „Hann vissi ekkert um gítarsmíði en þetta er frábær frumgerð,“ sagði Jón Hilmar þegar hann sýndi gestum gripinn.
Bakhlið gítarsins er úr við úr Hallormsstað en bakhliðin er „gamalt jólatré úr Fellabæ“ að sögn Jóns sem bætti við: „Þetta er í fyrsta sinn sem ég spila á jólatré.“
