Jólaljósin víða tendruð í fjórðungnum um helgina
Víða verða ljósin kveikt á jólatrjám á Austurlandi um helgina, en fyrsti í aðventu er næstkomandi sunnudag.
Á flestum stöðum verða jólalög sungin, jólasveinar á ferðinni og sannkölluð jólastemmning ríkjandi fyrir alla fjölskylduna.
Í Fjarðabyggð verða ljósin tendruð á eftirtöldum dögum.
Laugardaginn 26. nóvember
- Eskifjörður klukkan 14:30
- Neskaupstaður klukkan 16:00
- Reyðarfjörður klukkan 16:00
- Stöðvarfjörður klukkan 17:00
Sunnudaginn 27. nóvember
- Mjóifjörður klukkan 16:00
Laugardaginn 3. desember
- Fáskrúðsfjörður klukkan 17:00
Ljósin verða tendruð á jólatrénu við Nettó á Egilsstöðum næstkomandi laugardag klukkan 16:00.
Kveikt verður jólatrénu á Djúpavogi á sunnudaginn klukkan 17:00 á Bjargstúni.
Ekki liggur enn fyrir hvenær ljósin verða tendruð á jólatrénu á Seyðisfirði.
