Karlakórinn Heimir kemur austur á land
Lífið • This email address is being protected from spambots. You need JavaScript enabled to view it. • Fyrst birt 11. apr 2013 18:52 • Uppfært 08. jan 2016 19:24
Karlakórinn Heimir er væntanlegur austur á land og heldur tvenna tónleika í fjórðungnum á laugardag.
Dagskráin verður sambærileg þeirri sem kórinn hefur verið með í vetur. Fyrir hlé er hefðbundin karlakóratónlist á efnisskránni. Eftir hlé er breytt um takt, hljómsveit skipuð kórmönnum stígur fram Guðrún Gunnarsdóttir kemur til lið við kórinn. Aðrir einsöngvarar eru allir úr röðum kórmanna, þeir eru Ari Jóhann Sigurðsson, Pétur Pétursson, Árni Geir Sigurbjörnsson og Sveinn Rúnar Gunnarsson.
Stjórnandi karlakórsins Heimis er Stefán Gíslason, undirleikari er Thomas Higgerson.
Fyrri tónleikarnir verða í Kirkju- og menningarmiðstöðinni á Eskifirði klukkan 15:00 en þeir seinni um kvöldið klukkan 20:30 í Egilsstaðakirkju.
Miðaverðið er 4.000 krónur og selt við innganginn.
