Loksins nýtt lag frá Súellen: Myndband
Lífið • This email address is being protected from spambots. You need JavaScript enabled to view it. • Fyrst birt 22. mar 2012 10:57 • Uppfært 08. jan 2016 19:22
Norðfirska stuðbandið Súellen hefur sent frá sér nýtt lag sem heitir Hraðinn og lífið. Lagið er það fyrsta frá hljómsveitinni í sjö ár og hið fyrsta af væntanlegri breiðskífu. Það er eftir gítarleikarann Bjarna Kristjánsson en textinn eftir söngvarann Guðmund Rafnkel Gíslason.
Bandið, sem var á hátindi ferils síns í kringum 1990, hefur farið mikinn að undanförnu. Það spilaði á Austfirðingaballi í Kópavogi um síðustu helgi og kom við það tækifæri fram á Rás 2. Í haust var sett upp sérstakt rokkshow sveitarinnar í Egilsbúð undir heitinu „Ferð án enda." Hægt er að sækja lagið á Tonlist.is.
