ME áfram í Gettu betur
Lið Menntaskólans á Egilsstöðum er komið í aðra umferð spurningakeppni framhaldsskólanna, Gettu betur. Verkmenntaskóli Austurlands tapaði sinni fyrstu viðureign.
Verkmenntaskólinn átti fyrstu keppni ársins á mánudagskvöld móti Menntaskólanum á Ísafirði. Ísfirðingar unnu 18-24.
VA var með sama lið og í fyrra þau Mörtu Guðlaugu Svavarsdóttur, Þorvald Martein Jónsson og Sigurð Gunnþórsson.
Menntaskólinn á Egilsstöðum burstaði Menntaskólann við Sund 31-14. Liðið skipa þau Alexander Ingi Jónsson, Ása Þorsteinsdóttir og Gísli Björn Helgason.
Fyrstu umferð lýkur í vikunni og í lok hennar verður dregið í aðra umferð. Þar er liðunum raðað í tvo styrkleikaflokka eftir stigaskori í fyrstu umferð og verður að teljast líklegt að ME verði þar í efri flokki.
Mynd: Æfingahópur VA. Mynd: VA
