ME úr leik í Morfís
Lífið • This email address is being protected from spambots. You need JavaScript enabled to view it. • Fyrst birt 19. nóv 2012 14:15 • Uppfært 08. jan 2016 19:23
Menntaskólinn á Egilsstöðum er úr leik í ræðukeppni framhaldsskólanna, MORFÍS, eftir 50 stiga tap fyrir Menntaskólanum á Laugarvatni á fimmtudagskvöld í fyrstu umferð keppninnar.
Umræðuefnið var „leyndarmál“ þar ME mælti með en ML á móti. ML fékk 1461 stig gegn 1411 stigum ME. Vigdís Diljá Óskarsdóttir, ME, var valin ræðumaður kvöldsins með 595 stig en hún var stuðningsmaður liðsins.
Auk hennar voru í liðinu: Aldís Anna Þorsteinsdóttir, frummælandi, Almar Blær Sigurjónsson, meðmælandi og Þorgerður María Þorbjarnardóttir, liðsstjóri. Þjálfarar voru Hafþór Eide Hafþórsson og Hrefna Rún Kristinsdóttir.
„Ég er mjög ánægður með krakkana, þetta gat farið á hvorn veginn sem var,“ sagði Hafþór í samtali við Austurfrétt eftir keppnina. „Þau lögðu mikla vinnu á sig. Það vantaði bara herslumuninn.“
Mynd: Menntaskólinn á Laugarvatni
