Sjómannadagshátíðarhöld á Djúpavogi
Lífið • This email address is being protected from spambots. You need JavaScript enabled to view it. • Fyrst birt 09. jún 2010 13:08 • Uppfært 08. jan 2016 19:21
Sjómannadagurinn var haldinn hátíðlegur á Djúpavogi um síðustu helgi að vanda. Mál manna var að þetta væru fjölmennustu sjómanndagshátíðarhöld þar í mörg herrans ár.
Blíðskaparveður var á sjómannadaginn á Djúpavogi og fóru hátíðarhöldin vel fram og voru óvenju fjölmenn. Forskot var tekið á sæluna á laugardagskvöldið í Löngubúð þar sem fjöldi manns kom saman til að hlusta á sjómenn frá Djúpavogi segja sögur af sjónum. Þetta var prýðisgott kvöld og sögurnar frábærar, enda margir frábærir sögumenn í hópi Djúpvogskra sjómanna.,,Sjómannadagskráin var með hefðbundnu sniði, skemmtisigling og kaffi í Sambúð, hvorutveggja vel sótt og höfðu sumir orð á því að þetta hafi verið mesti fjöldi samankominn á Sjómannadegi á Djúpavogi í mörg herrans ár. Það voru einir 8 bátar sem buðu fólki í siglingu og gaman að sjá alla nýju bátana taka þátt" segir Bryndís Reynisdóttir á Djúpavogi.
