Söngkeppni undir verndarvæng heilagrar Cecilíu
Söngkeppni heilagar Cecilíu er orðin að árvissum viðburði í kaþólska söfnuðinum á Austurlandi. Hún var í ár haldin í fyrsta sinn í hinni nýju Þorlákskirkju.Sagt er frá söngkeppninni í nýjasta hefti Kaþólska kirkublaðsins.
Keppt er í þremur flokkum, leikskólabarna, grunnskólabarna og fullorðinna. Flest lögin eru sungin til dýrðar Guði en þar finnast einnig inn á milli þjóðlög og fleiri veraldleg lög.
Söngvarar syngja ýmist einir eða með öðrum, jafnvel í tríói. Keppnin er hörð og gefur dómnefndin sér góðan tíma á meðan gestir gæða sér á veitingum.
Eftir hléið er tilkynnt um sigurvegara. Enginn fer þó tómhentur heim því allir fá viðurkenningu fyrir þátttökuna.
Greinarhöfundur bendir á að öflugt tónlistarlíf sé í söfnuðinum, starfandi séu tveir tónlistarhópar, annar á Egilsstöðum en hinn á Reyðarfirði. Tilgangur þeirra sé ekki bara tónlistarflutningur í messum á sunnudögum heldur að hittast og æfa saman tónlist.
Keppnin er kennd við heilaga Cecilíu, verndardýrling tónlistarinnar.
