Sundlaugin á Egilsstöðum lokuð vegna töku á Fortitude
Tökur á spennuþáttunum Fortitude hófust á þriðjudag á ný og standa til föstudagsins 22. apríl. Búast má við einhverjum töfum á umferð af þeim sökum en tilkynnt er um það með fyrirvara um veður og vinda.
Föstudagur 8. apríl: Egilsstaðir og Fjarðarheiði
09:00-20:00 Tökur verða á Egilsstaðaflugvelli, sundlauginni á Egilsstöðum og við rafstöðvarhús Isavia á Fjarðarheiði.
Gera má ráð fyrir því að sundlaugin á Egilsstöðum verði lokuð frá klukkan 09:00 til 14:00.
Mögulegar umferðartafir á Fjarðarheiði, hluta úr degi.
Laugardagur 9. apríl Reyðarfjörður
08:00-19:00 Tökur verða við bátarampinn við smábátahöfnina og Tærgesen. Umferðatafir verða á Ægisgötu og Búðargötu.
Mánudagur 11. apríl: Norðfjörður og Reyðarfjörður
08:00-19:00 Tökur verða við Sementsverksmiðju BM Vallá á Norðfirði og á Austurvegi 24, Reyðarfirði. Umferðatafir verða seinnipartinn við gatnamót Austurvegar og Ægisgötu.
Þriðjudagur 12. apríl: Reyðarfjörður:
08:00-19:00 Tökur verða við Austurveg 24. Umferðatafir verða seinnipartinn við gatnamót Austurvegar og Ægisgötu.
Í tilkynningu frá Pegasus er beðist velvirðingar á þeim óþægindum sem tökurnar kunna að valda íbúum en vonast til að þeir sýni skilning og þolinmæði.
