Teiknimyndafígúrur og ræningjar á ferð á öskudaginn – Myndir
Lífið • This email address is being protected from spambots. You need JavaScript enabled to view it. • Fyrst birt 01. mar 2017 15:50 • Uppfært 01. mar 2017 15:51
„Eru peningar þarna inni?“ spurði hópur ræningja sem heimsótti skrifstofu Austurfréttar um hádegisbilið. Viðkomandi benti á rafmagnstöfluna og fékk þau svör að hann fengi ekkert upp úr innbroti í skápinn nema straum.
Nemendur úr grunnskólunum þremur á Fljótsdalshéraði: Fellabæ, Egilsstöðum og Brúarási hafa í dag gengið á milli fyrirtækja og stofnana íklæddir skrautlegum búningum og sungið gegn því að fá nammi.
Ekki hefur verið hægt að greina neina ákveðna línu í lagavalinu. Lagið um litina, Krummi krunkar úti og Sá ég spóa hafa notið nokkurrar vinsælda. Blessunarlega hefur þó verið minna um lög úr Júróvision en oft áður – nema þá í mesta lagi fyrri keppnum.
