Tónleikar alla helgina í Havarí
Efnt verður til tónleikaveislu í Havarí að Karlsstöðum í Berufirði um helgina. Þrennir tónleikar verða næstu fjögur kvöld.
Veislan hefst í kvöld þegar ein vinsælasta rapphljómsveit landsins, Úlfur Úlfur mætir til leiks.
Annað kvöld er röðin síðan komin að Mugison og Láru Rúnars ásamt hljómsveit.
Helginni lýkur á sunnudagskvöld þegar Valdimar og Örn Eldjárn koma fram saman. Á undan þeim stíg á svið Fáskrúðsfirðingurinn Anya Shaddock, sigurvegari Samfés 2017. Allir tónleikarnir hefjast klukkan 21:00.
Valdimar og Örn verða víðar á ferðinni eystra um helgina. Þeir spila í Bláu kirkjunni á Seyðisfirði í kvöld, Miklagarð á Vopnafirði á morgun og Fjarðarborg Borgarfirði á laugardag.
Dagskrá listahátíðarinnar LungA á Seyðisfirði heldur áfram í kvöld. Klukkan fimm mun Katrín Jakobsdóttir, formaður Vinstrihreyfingarinnar – græns framboðs, flytja fyrirlestur um egó í stjórnmálum.
Klukkan 20:00 hefst hins vegar danssýning hópsins 155 í Herðubreið. Hópurinn er skipaður Hollendingum sem stýra danssmiðju á hátíðinni.
