Tveir Austfirðingar með útskriftartónleika
Lífið • This email address is being protected from spambots. You need JavaScript enabled to view it. • Fyrst birt 04. apr 2011 18:17 • Uppfært 08. jan 2016 19:22
Austfirðingarnir Ingólfur Magnússon og Þórunn Gréta Sigurðardóttir héldu
útskriftartónleika sína sem tónskáld frá Listaháskóla Íslands um
helgina.
Þórunn Gréta lauk námi í tónsmíðum en Ingólfur í kvikmyndatónlist. Tónleikarnir voru haldnir í Neskirkju í Reykjavík. Frumflutt var þar verk Þórunnar Grétu, „Er – fyrir hljómsveit í þremur þáttum“ og verk Ingólfs „Þrumustingur – fyrir hljómsveit og þrjá slagverksleikara.“
Tryggvi M. Baldvinsson var stjórnandi á tónleikunum. Jón Guðmundsson, sem lengi var tónlistarkennari á Egilsstöðum og Gillian Hayworth, tónlistarkennari á Reyðarfirði spiluðu í hljómsveitinni.
