Völva Agl.is: ESB viðræðum verður hætt
Aðildarviðræðum Íslands við Evrópusambandið verður hætt skyndilega á árinu 2012, sem völva Agl.is kallar ár vonar. Mikið umrót verður í íslenskum stjórnmálum þar sem útlit er fyrir að þrír af foringjum fjórflokksins svokallaða færi sig yfir á annan vettvang. Endurheimtur á fjármunum úr bankahruninu ganga hægt. Þetta er meðal þess sem fram kemur í sjöunda og síðasta hluta spárinnar.
Árið 2012 verður kallað ár vonar. Uppstokkun verður í pólitík, leiðréttingar í fjármálum og að lífskjör verði sem jöfnust fyrir alla íslendinga.
Það verður heitt í kolunum í byrjun árs, þó kalt sé úti. Hörð átök verða í þjóðfélaginu fyrri hluta árs en friðsælla síðar á árinu. Fólk mun álíta að upplausn sé skárri í stjórnmálum en að Ísland endi sem niðursetningur í vasa gjaldþrota Evrópu. Evrópusambandsviðræðum verður hætt skyndilega.
Jóhanna Sigurðardóttir og Steingrímur J. Sigfússon stilla sér upp sem einræðisherrar, ráða og reka ráðherrana. Fólk mun segja Samfylkinguna mesta landráðaflokk allra tíma og Steingrím J. Sigfússon mesta svikara Íslandssögunnar.
Jóhanna Sigurðardóttir forsætisráðherra verður dæmd af verkum sínum. Segist hætta til að skaða ekki flokkinn. Össur fer líka, flokkurinn liðast í sundur.
Völvunni að þeir fáu Vinstri grænir sem eftir eru munu ganga úr flokknum og stofna nýjan flokk sem berst fyrir sjálfstæði Íslands og viðræðum verði hætt við ESB. Schengen samkomulagið verði ógilt svo betur gangi að verjast erlendum glæpaklíkum sem smygla vopnum og dópi til landsins.
Sjálfstæðisflokkur og Framsóknarflokkur virðast klumsa vegna þess að stóriðjustefna er ekki vinsæl eða líkleg til að létta skuldabyrðina. Formenn þessara flokka Bjarni Benediktsson og Sigmundur Davíð Gunnlaugsson virðast hugsjónalausir og hræddir við sannleikann.
Bjarni Benediktsson lætur stjórnast af öðrum, flæktur í hrun fjárglæfra vafninga. Hann fer burt frá flokknum og líklega burt af landinu.
Fyrrverandi kjósendur þeirra segja sérstaka saksóknaraembættið, Fjármálaeftirlitið og aðrir rannsóknaraðilar taki til sín sífellt meira fjármagn en færi ekki til þjóðarinnar stolið fé í neinu mæli.
Bankarnir reyna áfram að búa til loftbólur og falskar tölur. Alheimsbraskarar kaupa þá og selja, svo enginn veit með vissu hver á, eða ræður því rugli. Þegar banki fellur, sjá menn að hagvöxtur er bull og reyna að stoppa blekkingar.
Bankar spara pappír, allt skal vera í tölvum. Þegar tölvuþrjótum tekst að brjótast þar inn á enginn peninga eða skuldir. Þar er unnið skipulega að útþurrkun sem mun gerast skyndilega.
Sérstakur saksóknari er undir eftirliti erlendis frá og verður að standa sig en dregur þó eitthvað lappirnar.
Tilkostnaður þessara rannsókna verður óheyrilega mikill miðað við endurheimtur á stolnu fé. Loftbólur og fleiri talnaleikir bankanna sem vantar viðurlög við ábyrgð og skaðabótum.
Björgólfur eldri verður eitthvað sóttur til ábyrgðar, en hann er heilsuveill og ekki verður gengið mjög hart að honum. Björgólfur yngri fær yfir sig þannig kröfur og kærur að veldi hans líkur brátt fjárhagslega.
Flugfélag fer á hausinn og Pálmi í Fons verður krafinn um mikla fjármuni.
Völvunni sýnist fjárhagsstaða Íslands miklu verri en sagt er, en það er eitt fé í óarðbærar hugmyndir, endurheimtur á stolnu fé ganga seint.
Reynt verður að setja lög svo útlendingar kaupi ekki land, einnig til þess að Íslendingar geti ekki selt aða veðsett eigið land erlendum þjóðum og endað hér sjálfir sem þrælar eða flóttamenn úti í heimi.
Völva sér fyrir sér að dómur í ICESAVE málinu muni falla íslandi í vil. Þjóðin eygir réttlæti og betri framtíð.
Efnahagur Íslands mun versna vegna aukinnar lántöku.
Gamla stjórnarskráin mun gilda, en líklega verður bætt í hana tveimur til þremur stuttum atriðum.
Katrín Jakobsdóttir fer frá, sagt að hana skorti virðingu. Þorgerður Katrín hætti og Þór Saari gufar upp.
Jón Gnarr verður varla mikið lengur borgarstjóri Reykjavíkur, honum leiðist.
Stjórnmálamenn verða grunaðir um að láta kaupa sig til fylgis við ákveðin málefni. Þó ekki þeir ráðherrar sem ákveðið verður að reka úr ríkisstjórninni. Árni Páll Árnason og Jón Bjarnason eiga eftir að segja frá ýmsu sem frjálsir menn, það mun enginn rengja Jón Bjarnason.
Árna Johnsen hefur verið líkt við landvætt. Hann mun fara sínu fram og gerir það sem hann vill og enginn segir orð um þann fjármunaaustur á krepputímum. En því miður hverfur Landeyjarhöfn í sandinn vegna þess að náttúruöflin skeyta ekki um peninga. Vættir eru ekki alltaf á sömu skoðun og Árni Johnsen.
Þegar árið 2013 gengur í garð verður léttara yfir tilveru íslendinga. Fólk gleðst og finnur fyrir öryggi því það versta virðist afstaðið í fjármálunum. Horft verður til framtíðar með nýja von í brjósti.
Mikilvægt er að mega vona,
að maður verði áfram til.
Árið verður akkúrat svona,
aldeilis, næstum því hér um bil.
