Vor teygir sig inn í almenningsrými
Pólska listahátíðin Vor/Wiosna hefst um helgina, en þetta er í annað skiptið sem hátíðin er haldin á Austurlandi.Öll verk hátíðarinnar eru unnin af ungum pólskum listamönnum sem ýmist búa á Íslandi, hafa búið hérlendis eða dreymir um að koma til landsins.
Sláturhúsið á Egilsstöðum verður, líkt og í fyrra, miðpunktur hátíðarinnar en að þessu sinni verða verk einnig sýnd á Eskifirði og Seyðisfirði. Á öllum þessum stöðum má finna verk á opinberum stöðum, svo sem almenningsgörðum, sundlaugum og verslunum.
Í ár eru listaverkin flest í formi myndbanda. Í tilkynningu hátíðahaldara er lagt út frá hvernig sýning þeirra á stöðum þar sem fólk eigi leið um á hverjum degi séu mörk listarinnar og hversdagsleikann rofinn. Þar með verði listaverkið bakgrunnur fyrir hefðbundin fyrirbæri eins og að kaupa í matinn eða fara í bankann.
Þar með er líka sleppt formlegheitum, svo sem aðdraganda, kynningum eða lófaklappi en þátttaka í slíkum siðum listastofnana gerir þær oft á tíðum óaðgengileg fyrir aðra. Slíkt kann að vekja athygli áhorfanda á listinni til lengri tíma.
Hátíðin hefst með stuttmyndasýningu í Herðubreið í dag en formleg hátíðaopnun er í Sláturhúsinu á morgun þar sem sýnd verða myndbandsverk fjögurra listamanna eða hópa. Listaháíðin stendur til 31. maí en dagskrá hennar má nálgast á vef Sláturhússins.
